جيئن توسان نيهن لڳايو آھ
مون پنهنجو پاڻ گنوايو آھ
ڄڻ منهنجي ڪائي هستي
منهنجي ڪائي ذات نه آھ
ازل جي گوشواري ۾ به
منهنجي ڪائي بات نه آھ
منهنجو ڪوئي ڏينهن نه آھ
منهنجي ڪائي رات نه آھ
مونکي ڪجھ به راس نه آھ
مون وٽ منهنجي دل نه آھ
۽ ڪوئي به احساس نه آھ
تنهنجو ئي ڪو حصو آهيان
ڪو ڏندڪٿائي قصو آهيان
مان ڪيسين توتي ڀاڙيندس
۽ تو ۾ پاڻ کي واڙيندس
پنهنجو پاڻ جيئڻ ٿو چاهيان
ڌرتي جي ڪنهن ڪوني جي
ڪا تاريخ ٿيڻ ٿو ڇاهيان
منهنجي هستي موٽائي ڏي
ساڳي مستي موٽائي ڏي
نه ته منهنجو سمورو
ڄڻ ته هي پنڌ اجايو آھ
جيئن توسان نيهن لڳايو آھ
مون پنهنجو پاڻ گنوايو آھ
_______وفا منور زئور
کوئی تبصرے نہیں:
ایک تبصرہ شائع کریں