در ضبط جا ٽوڙي نڪتا هِن، سُڏڪن کي الائي ڇا ٿيوآ
هڪ ٻئي جي پُٺيان ڊُڪندا ٿا اچن، لُڙڪن کي الائي ڇا ٿيو آ۔۔۔
جان پاءِ کڻي جهاتي هيڪر، تان عڪس لڳن ٿا سڀ وحشي.
هي ڏوهه نه آ آئينن جو ، چهرن کي الائي ڇا ٿيو آ،
جي اُڌما کائي اُٿندا هِن، هيءَ ڇاتي ڇلجي پوندي آ،
ڪو چين نه ڪو آرام اٿن، جذبن کي الائي ڇا ٿيوآ،
سڪ قُرب الائي ڪاڏي ويو، هڪ ٻئي سان اوکيءَ ويلي ۾،
هرڪو ٿو وڃي منهن موڙيندو، رشتن کي الائي ڇا ٿيو آ،
ڏند قُلف ڪري چپ بند ڪيم، ڄڻ ٻوڏ اڳيان ڪو بند ٻڌم،
هر رنڊڪ ٽوڙي اُڪري ويا، لفظن کي الائي ڇا ٿيو آ،
*****
احمد خان مدهوش
کوئی تبصرے نہیں:
ایک تبصرہ شائع کریں