تحرير کي ترار بنايون بچي پئون،
ڪوڪار مان ڪٽار بنايون بچي پئون.
هِن جوءِ لئه هزار اٿي جانباز پيا،
هڪ هڪ منجھان هزار بنايون بچي پئون.
غدار پنهنجا دوست ٿين، ٿُڪ هڻي ڇڏيون،
جھونجھار پنهنجا يار بنايون بچي پئون.
پرمار لئه هار کنيون ٿا وتون، شرم،
حقدار لاءِ هار بنايون بچي پئون.
ماري وجھن ٿيون يار مسلسل مُنافقيون،
جي فيصلا سچار بنايون بچي پئون.
بندوق ۽ ڪتاب مٿان دسترس هجي،
هوشيار پنهنجا ٻار بنايون بچي پئون.
جيڏا نه گيت، بيت بخاري گھڙيون ٿا پيا،
ايڏا اٿي هٿيار بنايون بچي پئون
کوئی تبصرے نہیں:
ایک تبصرہ شائع کریں