آهي ملڪ اسان جو هي پاڪستان ،
ناهي محفوظ هتي ڪنهن جي جان ،
بم ڌماڪا، گوليون، گوڙ ۽ گھمسان ،
هڙتالون،روڊ بلاڪ ماراماري ۽ نقصان ،
آهي ملڪ اسان جو هي پاڪستان.....!
_______________________________
مهنگائي وئي آهي چوٽ چڙهي ،
غريب غربو ڇا ڪندو هت پڙهي ،
اٽو،گيھ ۽ دال وٺندي وڃي ٿي دل سڙي،
رڳو ٺڳين جا آهن کليل هت دڪان ،
آهي ملڪ اسان جو هي پاڪستان ......!
___________________________
آهن نرالا هتي جا سڀ سياستدان ،
نسواري،گوڏن وارا ته ڪي آهن خان،
سڀ هڪ ڍڳي جا چور اٿن ڪونه ايمان،
ڪالرو ڪري ڪهڙي بيان هتي داستان ،
آهي ملڪ اسان جو هي پاڪستان......!
_______________________________
رشوت جو گرم آهي هت بازار ،
عوام تي آهي هر قانون جي مار،
ڏي وٺ تي هلي ٿو سڀ ڪاروهنوار،
هر وقت رهي ٿو بجلي جو بحران ،
آهي ملڪ اسان جو هي پاڪستان.......!
____________________________
!!!......شاهنواز ڪالرو .....!!!
کوئی تبصرے نہیں:
ایک تبصرہ شائع کریں