بازار ۾ ڏٺو هوندُءِ،
اخبار ۾ پڙهيو هوندُءِ
ها، پيار منهنجو آوارو،
هر موڙ تي مليو هوندُءِ
تارو کڙيو ته مان ڊوڙيس،
اڌ رات جو سڏيو هوندُءِ
آرام جو دلاسو ڏئي،
آزار ۾ وڌو هوندُءِ
اوطاق تا اٿيو، مڇريو،
جنگاهه ۾ گڏيو هوندُءِ
تحريڪ ۾ ويو گم ٿي،
تاريخ ۾ لڌو هوندُءِ
ڪرڻن ڊڪي، جهٽي ورتو،
اونداهه ۾ سٽيو هوندُءِ
مون جو سڏيو سڃاڻي ڇڏ،
هر ڪوٺ سان ڪُٺو هوندُءِ
رڳ رڳ ٽُڪيو، جهُڪيو ناهي
منهنجو اهو ادو هوندُءِ
هڪ پيار کي ٻيو پاپيءَ کي
استاد جو پتو هوندُءِ
کوئی تبصرے نہیں:
ایک تبصرہ شائع کریں