استاد بخاري-وزن چال ۽ قافيا تنهنجا قد ٖم

وزن چال ۽ قافيا تنهنجا قد ٖم
شاعري صدقي ٿئي توتان صنم !
وار لهرائن ٖ يا جهُولن ٿا جهنڊا ٖ
تنهنجي قد بت جا قصا اوچا علم .
تنهنجي ڪُرڪڻ تي ڪڪر ڪاراٽجن ٖ
تنهنجي مُرڪڻ جا کڻن کنوڻيون قسم .
ھر چٽائي تنهنجي چهري ۾ پسان ٖ
تنهنجي ڀر ۾ ٿا وڃن رھجي ڀرم .
ھڪ گهڙي اُکري ته ٻي مُهري مٿان ٖ
زندگي اھڙيءَ طرح گذري اٿم .
بات بنجي جوت ٖ جُڳ جُڳ ٿي جئي ٖ
بُت برابر ٿا بخاري ٿين ڀسم .

استاد بخاري