جمعرات، 23 فروری، 2012
شهر ۾ نوڪريءَ جي پٺيان آهيان - ميئڪش سومرو
شهر ۾ نوڪريءَ جي پٺيان آهيان،
ڄڻ ڪنواريءَ چُمِيءَ پٺيان آهيان.
تنهنجي دل جا جهٽي وٺي جهٽ ۾!
اهڙيءَ جادوگريءَ پٺيان آهيان.
من جون تاريڪيون مِٽائڻ لئه،
اڻ ڏٺل روشنيءَ پٺيان آهيان.
جنهن ۾ ساهه به ڏيان مُرڪِي،
چَين جي ان گهڙيءَ پٺيان آهيان.
مان ته جيون لاء پيو جهڙيان،
ڪنهن چيو خُودِ ڪَشيءَ پٺيان آهيان.
ميئڪش سومرو
سبسکرائب کریں در:
تبصرے شائع کریں (Atom)
کوئی تبصرے نہیں:
ایک تبصرہ شائع کریں