اتوار، 4 مارچ، 2012
ٽارئي ڪين ٽَري - استاد بخاري
ٽارئي ڪين ٽَري،
ٺارئي ڪين ٺَري، هيءَ جا بِرهه بَڇي ڙي،
پَئي ٿي باهه ٻري!
جوڀن گهوڙو جوش ۾، واڳئي ڪيئن وري!
ٺارئي ڪين ٺري......
هينئڙو جهڙو هاڙهه ۾، ڳاڙهو ڳُڙُڳري،
ٺارئي ڪين ٺري......
محبت واري موت ۾، محبت ڪين مري،
ٺارئي ڪين ٺري......
مرندي تاس مري نه ٿي، سَرندي ڪانه سري،
ٺارئي ڪين ٺري......
ساري رات سُهاڳ جي، ڍولئي جهول ڍري،
ٺارئي ڪين ٺري......
ويجهو آءُ، وِٿي نه ٿئي، پيهي ٿي نه پري،
ٺارئي ڪين ٺري......
تاساري ”استاد“ کي، بَرٿُو ڏيج ڀري،
هيءَ جا برهه بڇي ڙي،
پئي ٿي باهه ٻري!
***
استاد بخاري
سبسکرائب کریں در:
تبصرے شائع کریں (Atom)
کوئی تبصرے نہیں:
ایک تبصرہ شائع کریں