غزل
روئيندن جي رات ڏسين ها
لڙڪن جي برسات ڏسين ها
سورن جي شب ڪاٽڻ کان پوء
پورن جي پرڀات ڏسين ها
تون معصوم ته آهين ليڪن،
تو ئي هنيا جي ڪات ڏسين ها
ڦٽي نظر سان، ڏٺئي نه ڦٿڪڻ
يا نه ڏسين ها! يا ته ڏسين ها!
ميرن ڪپڙن کان نه بُڇان ڪر
ماڻهن ۾ ڪا ڏات ڏسين هاَ
منهنجي دل ۾ ڇاهي جاني؟
دل ۾ پائي جهات ڏسين ها
نير اکين ۾ ، نالو تنهنجو
عاشق جي سڪرات ڏسين ها
هاءِ هدايت هارائي وئين،
عشق ۾ پنهنجي مات ڏسين ها
****
هدايت بلوچ
کوئی تبصرے نہیں:
ایک تبصرہ شائع کریں