غزل
روز مٿس بمباري آهي
منهنجي دل به لياري آهي
ڪنهنجي خوشي لئي سڀڪجھ ٿئي پيو
ماڻهو ڪو ته مياري آهي
ڪڪريءَ ۾ جنهن لانئون لڌيون
ڪٿي اهو زرداري آهي
باھ جا ڀڙڪا، گوليون ڪڙڪا
ڏاڍي ڄڻ ته ڏياري آهي
پنهنجا عاشق ماڻ ٿا ماريو
اهڙي ڇا بيزاري آهي
ساڳيو درد ٿي روز سڻائي
دل ۾ پيل ڄڻ گھاري آهي
ٻي ڪا حياتي کٽجي شايد
هيءَ ته حياتي هاري آهي
ڪهڙو هدايت منطق چئجي
زور جي آڏو زاري آهي
****
هدايت بلوچ
کوئی تبصرے نہیں:
ایک تبصرہ شائع کریں