منگل، 16 جون، 2015

نڪو ئي اسان ۽ نه هُو ٿا کُلن!
رڳو حسرتون پيون اندر ۾ ڇُلن!

چون ٿا اکين ۾ اوهان ٿا رهو،
الئـ ڇو پيون ڳالهيون گسن ۾ هُلن!؟

اوهان ڪالهـ جن کي اندر ۾ رکيو،
اُهي نيڻ هاڻي پيا رِڻ ۾ رُلن!

گهرن ۾ اُداسين جو ميڙو متل آ،
درن تي گُلن جون وليون پيون جُهلن!

اُهو ڪنڌ جيڪو جُهڪاڻو نه آ،
ڪُهي آ اُنهيءَ کي ڇڏيو ڪاڪُلن!

تڏهن ڙي نظر تي اچڻ جي ڪجئو!
اچي هيل جنهن ويل هيرون گُهلن!

****
ايوب کوسو

کوئی تبصرے نہیں:

ایک تبصرہ شائع کریں