استاد بخاري- نه سري نه سري نه سري

نه سري نه سري نه سري
منهنجي سونهن سوا نه سري.
جا عشق جهجهڙ ٻاري سا آڳ اندر واري،
نه ٺري نه ٺري نه ٺري،
منهنجي سونهن سوا نه سري.

اڌ رات تڪيان ڪتيون پرڀات چمان مکڙيون،
سپنا جي ڏسان ته پري،
منهنجي سونهن سوا نه سري.

ڪوچنڊ ڪٿي ناسيو ڪو ويس ڪٿي واسيو،
دل باسي باس وري،
منهنجي سونهن سوا نه سري.

استاد اداسائي ڪا آس کڻي آئي،
دل کولي ديد دري،
منهنجي سونهن سوا نه سري.

_______

استاد بخاري